კავშირი სამყაროსთან ალპური სიმაღლეებიდან

კავშირი სამყაროსთან ალპურ სიმაღლეზე, არა ფუფუნება არამედ უსაფრთხოების მინიმალური და ელემენტარული სტანდარტია, რასაც ალტიჰატი უზრუნველყოფს მაგთიკომთან ერთად.
(c)ალექს ფიჩის ფოტო

იქ, სადაც ბილიკი ცას ერწყმის, კავშირი გარ ესამყაროსთან მიუწვდომელია და ეს პრობლემა გადაუჭრელი.. ალტიჰატის გუნდმა საკუთარ თავზე აიღო ეს გამოწვევა. ჩვენი თავისუფალი ნებით და პირადი ფინანსებით, 3,000 მეტრის სიმაღლეზე აქტიური და პასიური ანტენები დავამონტაჟეთ, და მობილური სიგნალი გავაძლიერეთ და გავავრცელეთ აქამდე მიუწვდომელ ადგილებამდე. ამით კი დავაწესეთ უსაფრთხოების ელემენტარული სტანდარტი და გავაფართოვეთ სატელეფონო კავშირის დაფარვის ზონა, ალპურ სიმაღლეზე. ეს ყველაფერი სათავგადასავლო ტურიზმის უსაფრთხო, სრულიად ახალ დონეზე აყვანას ემსახურება და უკიდურესად საჭირო ამბავია.
მოწყობილობა ალტიჰატის კუთვნილ ტერიტორიაზეა განთავსებული და დღემდე მხოლოდ ალტიჰატის მიერ მიწოდებული ელექტროენერგიით მუშაობს, რაც უზრუნველყოფს ძლიერ სიგნალს, დაცულ მარშრუტს და სიმშვიდეს მაღალმთიან ლოკაციაზე. ამ სიმაღლეზე კავშირი მხოლოდ ლამაზი ფოტოების და ისტორიების გაზიარებისთვის არაა, ეს არის სიცოცხლის გადარჩენის ელემენტარული აუცილებლობა და უსაფრთხოების ინსტრუმენტი, რაც ალტიჰატმა წარმატებით დანერგა ამ სიმაღლეზე და ინარჩუნებს ყველასათვის.
ჩვენ უზრუნველვყოფთ თავგადასავლის მაძიებელთა კავშირს ალპურ სიმაღლეებზე, ალტიჰატის დაარსების დღიდან.