რესტორანი ზღვის დონიდან 3014 მეტრზე

გილოცავთ! თქვენ ამოხვედით ალტიჰატში, 3,014 მეტრ სიმაღლეზე და ახლა აუცილებლად ტკბებით პლანეტის ერთ‑ერთი ყველაზე შთამბეჭდავი ხედით და ალპური ჰაერით. თქვენ ასევე  #TakeCareofYourPlanet ინიციატივას შემოუერთდით: ალტიჰათი გარემოზე მავნე ზემოქმედების შემცირებას დიდ მნიშვნელობას ანიჭებს და გვიხარია რომ თქენც ამ სულისკვეთბის ნაწილი ხართ.

როგორ მოვიდა თქვენამდე ეს საკვები? - მდგრადი და უსაფრთხო გზებით, თუმცა რთული ლოჯისტიკით
პირველ რიგში ადგილობრივ ფერმერებთან ხდება ხარისხიანი და ავთენტური პროდუქტის მოძიება; ასევე ქვეყანაში არსებული პასუხისმგებლიანი და სანდო მომწოდებლებისგან მომარაგება ჯერ თბილისში, შემდეგ კი სოფელ გერგეთში; აქედან ბატონი სტეფანე წიკლაური და მისი ერთგული ცხენები - ნისლა და ალუმინა უზრუნველყოფენ ამ ყველაფრის მოწოდებას ალტიჰატში, უკანა გზაზე კი დაგროვილი ნარჩენები მოაქვთ გადამუშავებისთვის.

ეს ფითქინა და ახალი თეთრეული, რომელიც ადგილზე გხვდებათ, ყოველდღე ირეცხება გერგეთში და იმავე მარშრუტით მოძრაობს ალტიჰათიდან გეგრეთში და გერგეთიდან ალტიჰათში. ხოლო ეს მატყლის მატრასები, სადაც კომფორტულად უნდა განთავსდეთ, გორში, იძულებით გადაადგილებულმა ჩვენმა თანამოქალაქეებმა შექმნეს სპეცილურად თქვენთვის. 
დამშვიდდით: არც ადამიანები, არც ცხოველები, არც უკმაყოფილო ვოგონები, არ დაზარალებულან თქვენთვის ამ კომფორტის შექმნის დროს.